Новомученики и Исповедники Русской Православной Церкви XX века (с) Православный Свято-Тихоновский Богословский Институт (с) Братство во Имя Всемилостивого Спаса
Канонизация Священномученик митрополит Кирилл (Смирнов) Дата20/08/2000 Кем канонизированАрхиерейский Собор Русской Православной Церкви, 1316 августа 2000г. Кто представилКазанская епархия
ТРОПАРЬ, глас 3:
Велика в скорбех утешителя/ обрете тя Церковь Русская, святе Кирилле,/
ты бо, в годину гонения чашу страданий прием,/ жаждущия правды воедино
собрал еси,/ яко орел небесный под криле птенцы своя,/ и вся научил еси/
веры доброму исповеданию./ Темже в лице новых мученик/ Престолу Божию
предстоиши,/ моляся о чтущих любовию память твою. ИН ТРОПАРЬ, глас 5:
Якоже солнце светозарное,/ возсия днесь память твоя, святителю Кирилле,/
лучами благодати озаряющи верных сердца/ к прославлению дивнаго во святых
Своих Бога,/ даровавшаго тебе крепость во исповедании и терпение в скорбех./
Темже молим тя:/ не премолчи о нас ко Господу/ и избави от всякаго зла,/
Церковь Русскую от раздоров и нестроений сохрани,/ мир мирови испроси/
и душам нашим велию милость. КОНДАК, глас 5:
Лучезарною твоею благодатию нас просвети,/ поющих мужества твоего крепость,/
яже воителем тьмы бе неприступна,/ и молитвами твоими Церковь Русскую в
единомыслии утверди/ и от бед отечество наше огради,/ святителю Кирилле,
мучениче славный. ИН КОНДАК, глас 3:
Столп и жертва Церкве Христовы быв,/ сию непоколебиму от искушений лукаваго
премудро соблюл еси/ и, козни вражия твердым умом разорив,/ едину Церковь
апостольскую проповедал еси,/ Кирилле богоблаженне,/ святителей Русских
похвало,/ моли спастися душам нашим.Дни памяти